|
|
|||||||
| اضحك خمسه لقلبك إستراحه اعضاء المنتدى والبعد عن الهم والغم والحزن :) |
 |
|
|
أدوات الموضوع | تقييم الموضوع | انواع عرض الموضوع |
|
#1
04-03-2010, 02:07 PM
|
||||
|
||||
اضحك مع طالب فاشل
صـحيت من نـومى على صوُت مـُشابه للصوت اللى عمـلته القنبلة الذرية بعد اما وقعت على هيروشيما .. - إصـحى يامدهـول على عينك إنت لسه هتنام تانى ....... قووووووووووووووم يازفت - إيه ..؟ الحرب قامت ولا إيه ؟ - إنت كـمان قايم بتهـزر ..؟ ... قوووم فـز الساعة بقت سبعة - سبعة المـغرب ؟ يااه انا نمت كـُـل دة ... طب بصى صحـينى السـاعة عـشرة كـًدة عشان ألحق بـسنت وديـاسطى - مـغرب مين وديـاسطى مين ... الساعة سبـًعة الصُبح - يا أُمى وفى حد برُضة بيصحى حد الساعة سبـعة الصبـُح ..؟ ده انـا أخر مـرة صحيت فى المـيعاد ده كـًان من خـمس سنين - ما تقـووم يابنى عشان تلـحق تروح الامتـحان - إمتـحان إيه بس .. انا إمتـحانى لسـه يوم الاتنين خشـى يامـه نـامى وسيبينى انـاااااااااااام و شـديت اللـحاف تـانى على وشى ... لـكن لـقيت اللـحاف بيـطير مـن فوقى بطريقة دراميتيكه .. وأُمـى بتـقومنى تـانى .. - الـنهاردة الاتنين .. آه طبـعاً ما انت نايم هنـا ومش دارى بالدنـيا ... مسـطول عـايش مـعانا فى البيت فـصرخـت فى لـهجة أقـرب للبكُـاء ... ســبتووونى نايم تلات ايام ... ؟ ليـه يامه بتـعملوا فيا كًدة ؟ .. ده الدم عـُمره مايبقى شـوربه - إنت شارب حـاجة ياض ولا إيه .. ؟ و بعدين ما انت مرمى على السـرير زى الجاموسة الوالدة ومش عارفين نصحيك من نـوومك - ولو .. كـان لازم تصحوونى حتى لو إضطـريتووا إنكم تـكهربونى وانا نايم - ولـــه ... أنتا يعنى صغير ماتعرفش تجيب منـبه وتظبطه ..؟ إخـلص وقووم عشان تروح بدرى .. مش كُـل سنة تـروح بعد الامتـحان بساعة ! خـرجت أمـُى من الاوضة .. وسـابتنى قـاعد على السـرير وانا عامل زى اللى لسـة جايـله خـبر وفاة ابنـائه التسعة غرقا فى حـمام سباحة الميا بتاعته متـكهربة ياخراااااااااااااااااابى ... الامتـحان فاضل علـيه ساعة ونص وانا ماذاكرتش غير تلات دروس من الـتسع دروس اللى عنـدًى ... الـلـًه يخرب بيت النووم وسنـين النوووم لـكًـن لاء ... جريـت على الـحمام سبرنت ولا محمد زيدان فى ماتش مـصر والكـاميرون ... وإتـوضيت ورجعت صـليت الصـُبح ودعيت ربنـا ... يارب .. يارب الامتـحان ييجى من الـتلات دروس اللى ذاكـرتهم ... أى نـعم أنا نسيت هـُما كانوا بيتـكلموا عن إيه بس إنت قادر تـفكرنى بيـهم .. يارب و قعدت شـوية أقرا قـُرآن يـمكن ربـنا يوفقنى وأجيب الإمتـياز - إنت لسـه مالبستش ؟؟؟ - هـلبس أهوو يا أمـُى .. دقيقة واحدة بـس أعـمل حسـابى بقى و أخد حـاجاتى كـُـلها بدل ما أفضل أشحت من العـيال اللى جنبى فى الامتـحان ... وبدل ما المـُراقب بتـاع اللجنة يـقولى نفس الكـلمتين اللى بسمعهم طول عمرى ... - نسيت تجـيب حاجاتك مـعاك ليه يا حبيبى ؟ بـوص فـى ورقتك محدش هيديك حـاجة عشـان تنسى كـويس بعد كًدا .. يا حماااار لأ انا مش أى حد يـهزقنى كـدة ... انا ليـا سـُمعتى فى الـبلد دى أدى الـمسطرة .. وأدى الآلـة الحـاسبة ... أى نـعم هيا بتحسب غلط ... بس إسـمها آلـة آه و كـويس إنى جبـت القـلم أبو خـط كـبير دة مـعايا ... أصل فـى ناس قالتلى أملا الـصفحة كـتابة .. ماتسيبش صـفحة فـى كُـراسة الإجـابة فاضية .. عشــان اللى يـجى يصحح الـورقة يـفتكر إنـك حالل كـُـل حاجة ! طيـب عليا الـطلاب لاكـتب كـُـل كلمة فى سـطر .. وهسيب ما بين كُـل سطر والتـانى خـمس سـطور فـاضيين ماهو يانا يانتم السنة دى ! نـاقص القلم الـرُصاص اللى هسـطر بيه .. هجيب منين دلـوقتى قـلم رُصـاص ..؟ لأ أهو .. لقيت قـلم رُصاص - قد البلح الزغلول كًدة - مرمى عـلى جنب ... لا وإيه .. فى إسـتيكه فى أخـُره مـش هوه ده الـقلم اللى كـان معايا فى تالتة إبتدائـى ..؟ آه هـوه .. انا فـاكرو كـويس ... بأمـارة الـ ... - إنت لسه مالـبستـش ؟؟؟ - هـلبس والله اهوو ... قـاايم قـُمت ولبست .. لـما نتـقل بقى عشان الـجو شكـله برد وانا صـدرى واجعنى اصلاً بـس فيـن الشراب ؟ الشرااااااااااااب .. ! مـاحدش شاف الشراب بتـاعى - بـيتغسل . ده شرااب مـعفن - مين قـالكـُم تغسـلوه .. ؟ ... هلبس إيه انـْا دلـوقتى ؟ - إلـبس اى شـراب غيره متقرفنـاش بقى هيا النـاس دى بتـعاملـنى كًـدة ليه ؟ ما علــينا .... خلـصت لبس وواقـف قـُدام المرايا ... أنزل بـشعرى كـًدة ولا ألبس الكـاب ..؟.. شـعرى مـن ساعه ما حلـقته لسه ماطـولش ... وماينفعش أروح الـجامعة كـًدة .. البـنات تقـول عليا إيه ..?! خلاص ألبـس الكـاب .. بـس لو طـلعت شـعرى كده ممـكُن يبان انه حلو.. - يا لهووووى ... إنت لسـه واقف - إسـتنى يامه بـعدل شعرى - إنت هتـنزل ولا افتح كـرشك - حـاسبى يامه السـلاح يطـول ... خلاص مش هـعدل حـاجة .! هلبس الـكاب وأمـرى للـًه نازل مش شايف حـاجة قـُدامى ومش حاسس بالدنيا أخــيرا .. وصلت للكُليه .. بس فى حاجة مش مظبووطة الـكُليه إتـغيرت اووى عن أخر مرة جيتها .. والنـاس اللى فيـها كًـمان متغيرين العـيال مالهم كلهم شعرهم مـُلون كـًدة ولا إبراهيم سعيد أيام اما كان فى الاهـلى .. ؟ وبما إنى معرفش أى حاجة فى الكـُليه .. فرحـُت لأول واحد قابلته عشان اسـأله عن مـكًان اللجنة .. هوه صحيح شكـلُه غريب وبيفكرنى بالبوكيمون اللى كُنت بلعب بيه زمان .. غير إن شـعُره ولا كإنه مضروب فى خلاط .. بس هوه انا هتجوزه يعنى .. ده انا هسـأله وخلاص - لو سمـحت يا كابتن .. فين لجنة 12 ؟ رد عليـا بطريقة فكرتنى بالواد أحمد مـكى فى تامر وشـوقية .. .. شآيف يا بوب المبنى ده ..؟ خـُش فيه .. يمين فى يمين فى يمين فى فوق فى شمال هتلاقيه فى قفـاك ... بيس يا مان ؟ إيه بيبسى مان دى ؟ مش هيا دى اللعبة بتاعت الاتارى اللى كنت بلعبها زمان .. ؟ .. الـمهُم مشـيت زى ماقـاللى بالظـبط .. وفجأة لقيت نفسى فى آخر مكـان فى الكـُليه و لقـيت تلاتة قـاعدين سوا بيشربوا شاى ... ومن منـظرهم إستنتجت - بذكائى -إنهم مش طلبة .. ولا هم دكاترة أكييد هُمـا الظـاهر حراميـة كانـوا جايين يسرقوا حاجة وماشيين على طول ... قـُلت لما أتخنلهم صوتى - سـلامو عليكم .. لو سمحت يامعلمين فين لجنة رقم 12 ؟ فـجأة لـقيت الارض بتتـهز والدهان اللى ع الحـيطة بدأ يـقع من الـصوووت اللى انا سـمعته - خـُش يا غالى آخر الممر دة فى يمين وبعدين إطلع فوج تلاجى لـجنه - بتعطيش الـجيم - 12 ... تـحًب نـجوم نوصلـك يا خال ؟ - خال لا .. هه .. .. احم لا يارجالة الف شـكُر مش عايزين نتعبكم معانا .. بعد إذنـكُـم - إتـفضل يبو عـمُو ياااه .. اخيرا وصلت اللـجنة .. هوه صحيح فـات من الوقـت رُبع ساعة .. بس مش مشكلة المـهم إنى وصلت دخلـت اللجنة بعد ما إتفتشت تفتيش ذاتى ولاكـإنى داخل لجـنة كًـمين إيه ده .. مش هوه ده الـواد الـبوكيمون بتاع بيبسى مان اللى توهنى .. دة طلـع معايا فى اللجنة ... بـس هوه مـاله كًـدة وشه مصفر ولا كإن عنده الـحصبة .. ؟ وشعـرُه مش كـًان لونه أزرق من شوية .. إيه اللى خلاه بقى أبيض ؟ ... إلـطُف بيـنا يارب !! انـا كـُنت ناوى أضربه الصراحة عشـان توهـنى بس بعد ما شوٍفـته دلوقـتى .. صعب علـيا الـمهم أخدت ورقة الامتـحان وانا بدعـى الدعـُـاء المعـهود ... ربى إنى لا أسـالك رد القضاء و لكـنى أسالك اللطـُف فيه بـعد شـويه دخـل المـعُيد بتـاع المـادة مع إبـتسامة كبيرة ليس لهـا معنى على وجـهه ...: - عامـلين إيه يا كـتاكيت ؟ - بنصوصـو رمـانا بنـظرة جـانبية غريبة ثـُم إستـعاد إبتـسامته اللى انا أمووت وأعرف سبـبها إيه ... - الامتـحان طبعـاً زى مانتوا شايفين سهل خـالص ومفيش بـعدً كـدة ... عشـان تعرفوا قـد إيه إحـنا بنراعى الـطلبة .. 80 % من الامتـحان فى مسـتوى الطالب العـبقرى .. و 15 % فى مسـتوى الطـالب الدحيح .. و4 % فى مسـتوى الطـالب المـُتميز ... وواحد فى المــية بحـالهم فى مسـتـُوى الطـالب المتـوسط سـاله أحد الـطلبه .. طيب لو سمـحت يا دكـتور .. الطـالب الـضعيف مالهوش أى حـاجة فى الليـًلة دى ؟ - الطـالب الـضعيـًف ده يروح يـقـعُد جنب أمـُه هههههههههه بيـضحك على إيه ابن.......تيييت مـــاااااااعلــينــا ... سيبـوووونا نركـًز بـقـَى الـمُـراقب بتـاع اللـجنة سايب اللـجنة كُـلها وجـاى يـقعد فى وشًـى ... - إنت مابتحلش ليه يابنى ؟ .. ده الدكـتور بيـقول إمتـحان سهل خـالص .. يعـنى الواحد يـحله بصـباع رجـله الصغنن - طـيب ماتسلفنى صـباع رجلك الصغنن أحـل بيـًه عشان انا صـباعى واجعنى - ها ها لأ خـفيف ياض .. بـووص فـى ورقـتك وبطـًل كلام يالا ياولاد .. باقى من الزمن ساعة إلا رُبع شـدوا حيلكُم شوية .. مـاعدش فاضل غير ساعة إلا تلت هـاه ؟ .. اللى خـلص يمشَى ... أسـرع ياوحوش .. مـش فـاضــل غير نـص سـ .. حـراااااااااااااااااااااا اام ... ياعـم أبـووووس ايدك والنـبى ... والنــــبى خـمسـة هدوووووء عشـان أعـرف أتنـيل على عين أهـلى وأحـل و فى الآخـر سحب منـى الـورقة لان الـوقت خلص .. وانـا أقـوله ياعم الحج طب خـدُ الورق من باقى الطلبة وبعدين تعالآلى خودها مني يـُرد بكُل بجاحة .. فى حاجة إسمها نظام .. يعنى لازم نمشى بالدور ..! إحنـا هنا يابابا فى الحـرم الجامعى مش فى مولد السيد البدًوى بـقى هوه يشد وانا أشد .. يشـد وأنا أشد .. وفى الآخر إضطريت أسيبهالو لان الحُـمار كان هيقطع الكراسة بتاعة الإجـابة بـًس كُـل دة مش مـهُـم ..... ! المـُـهم إنـى هروح البيًـت وهـنــااااااااااااااااااا اااااااااااااااااااااااام goldy2 goldy2 goldy2 goldy2
__________________
 هخلي بالي من نفسي واحاول مشوفكشي خايف اقابلك تاني قدامك مقدرشي انا ليه كل ما اشوفك انسي اوام وارجعلك لازم اغلب ضعفي مش لازم اسمعلك 
|
|
#2
04-03-2010, 02:33 PM
|
||||
|
||||
|
هههههههههههههههههههههههههههه
حلو اوى الطالب ده ياياسو
__________________
|
|
#3
04-03-2010, 04:23 PM
|
||||
|
||||
|
هههههههههههههه.... جامدة جدااااااااا يا ياسو بتفكرني بأيام ألأمتحانات والمذاكرة أيااااام يارب ميرجعها
__________________
لا تندم علي حب عشته حتي لو صار ذكري تؤلمك فإذا الزهور قد جفت وضاع عبيرها فتذكر أن هذا الحب يوما منحك عطرا جميلآ أسعدك
|
|
#4
04-03-2010, 04:32 PM
|
||||
|
||||
|
فاشل اية
دة ام الفشالة كلة ههه حلوة اوووي
__________________
 دة منـــ كتير تفكيرك الحقود عشش في دماغك الدود
|
|
#5
04-03-2010, 04:34 PM
|
||||
|
||||
|
اقتباس:
هههههههههههههههههههههههه عندك حق المفروض نعمله تمثال
__________________
هخلي بالي من نفسي واحاول مشوفكشي خايف اقابلك تاني قدامك مقدرشي انا ليه كل ما اشوفك انسي اوام وارجعلك لازم اغلب ضعفي مش لازم اسمعلك
|
|
#6
04-03-2010, 04:36 PM
|
||||
|
||||
|
اقتباس:
هيا كانت ايام حلوة جدا بس بعيد عن المذاكرة ال يعني كنا بنذاكر يعنيGoldushki039
__________________
هخلي بالي من نفسي واحاول مشوفكشي خايف اقابلك تاني قدامك مقدرشي انا ليه كل ما اشوفك انسي اوام وارجعلك لازم اغلب ضعفي مش لازم اسمعلك
|
|
#7
04-03-2010, 04:37 PM
|
||||
|
||||
|
اقتباس:
ميرسي يا بنوتة علي مشاركتك وهو فعلا مثال لكل الفشلة
__________________
هخلي بالي من نفسي واحاول مشوفكشي خايف اقابلك تاني قدامك مقدرشي انا ليه كل ما اشوفك انسي اوام وارجعلك لازم اغلب ضعفي مش لازم اسمعلك
|
|
#8
04-03-2010, 04:59 PM
|
||||
|
||||
|
ههههههههههههههههههههههههههههههههههههههه
أول مره اشوف حد يعمل لنفسه قصه حياه يوم من ايامه ههههههههههههههههههههههههه والله كنتى بتتعبى شكرا ياسمين
__________________
البرنس المصرى : محــــــمد سامح محــــــمد (إذا رحل القمر فمن يغنى بدلا لعمرو دياب) 
|
|
#9
04-03-2010, 05:01 PM
|
||||
|
||||
|
ههههههههههههههههههههه
منا بردو تلميذتك يا برنس
__________________
هخلي بالي من نفسي واحاول مشوفكشي خايف اقابلك تاني قدامك مقدرشي انا ليه كل ما اشوفك انسي اوام وارجعلك لازم اغلب ضعفي مش لازم اسمعلك
|
|
#10
04-03-2010, 05:09 PM
|
||||
|
||||
|
والله عيب كده بلاش تلمذتك دى ههههههههههه
ده انا أكبر منك بكام شهر يعنى
__________________
البرنس المصرى : محــــــمد سامح محــــــمد (إذا رحل القمر فمن يغنى بدلا لعمرو دياب)
|
|
#11
04-03-2010, 07:28 PM
|
||||
|
||||
|
اللهى يخروب بيتك يا شيخة
ههههههههههههههههههههه كله ده وفى الاخر هيتنيل يروح البيت علشان ينااااااام اللهى يارب يتنيل ولا يشوف نجاح خالص ههههههههههههههه ماشى يا ياسو وتسلم ايدك
__________________
|
|
#12
04-03-2010, 08:11 PM
|
||||
|
||||
|
ههههههههههههههههههههههههههههه
ليه كده بس يا فؤش
__________________
هخلي بالي من نفسي واحاول مشوفكشي خايف اقابلك تاني قدامك مقدرشي انا ليه كل ما اشوفك انسي اوام وارجعلك لازم اغلب ضعفي مش لازم اسمعلك
|
|
#13
04-03-2010, 08:40 PM
|
||||
|
||||
|
دة طالب ناجح
مش فاشل ياسمينا دة طالب ناجح
__________________
|
|
#14
04-03-2010, 10:57 PM
|
||||
|
||||
|
جداااااااااااااااااااااا يا فوكس
هوه حد قال غير كده
__________________
هخلي بالي من نفسي واحاول مشوفكشي خايف اقابلك تاني قدامك مقدرشي انا ليه كل ما اشوفك انسي اوام وارجعلك لازم اغلب ضعفي مش لازم اسمعلك
|
|
#15
04-04-2010, 12:05 AM
|
||||
|
||||
|
ما شاء الله ايه الطالب الممتاز ده
ده كويس انه كلف نفس و راح حضر الامتحان هههههههههههههه تسلم ايدك يا ياسو
__________________
مطروح مدينتي الجميلة اشتقتلك 
|
|
#16
04-04-2010, 12:18 AM
|
||||
|
||||
|
هههههههههههههههههههه
اي خدمة لازم تعتبره قدوة بالنسبالك
__________________
هخلي بالي من نفسي واحاول مشوفكشي خايف اقابلك تاني قدامك مقدرشي انا ليه كل ما اشوفك انسي اوام وارجعلك لازم اغلب ضعفي مش لازم اسمعلك
|
|
#17
04-04-2010, 01:59 AM
|
||||
|
||||
|
فين التعليم بتاع زمان غير دلوقتى خااااالص الدنيا اتغيرت كتير
__________________
|
|
#18
04-04-2010, 02:13 PM
|
||||
|
||||
|
اكيد ده اجمل قدوة فالتعليم
ولازم نحذو حذوه هههههههههههههههه
__________________
|
|
#19
04-04-2010, 10:46 PM
|
||||
|
||||
|
ههههههههههههههه
حلوة اوي نحذو حذوه
__________________
هخلي بالي من نفسي واحاول مشوفكشي خايف اقابلك تاني قدامك مقدرشي انا ليه كل ما اشوفك انسي اوام وارجعلك لازم اغلب ضعفي مش لازم اسمعلك
|
|
| مواقع النشر (المفضلة) |
| الكلمات الدلالية (Tags) |
| مع, اضحك, فاشل, طالب |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | تقييم هذا الموضوع |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| اضحك مع شوشو | بنت النيل | اضحك خمسه لقلبك | 2 | 11-30-2009 01:23 PM |
| خالد سليم أنا طباخ فاشل والسلطة طبقي المفضل | إمبراطور مصر | الركن الفنى - الاذاعه والتلفزيون | 0 | 09-01-2009 08:57 PM |
| اضحك شويه علي >>بوش<< | ابن النيل | اضحك خمسه لقلبك | 3 | 07-28-2009 05:37 PM |
| هل هم فعلا جيل فاشل؟ | ™ Є£€¤μμņđā | الـبـيـت بـيـتـك | 3 | 05-26-2009 03:15 PM |
العرض العادي
