بسم الله الرحمن الرحيم









الاخوه والاخوات اعضاء منتدانا الحبيب

ام الدنيا

يسعدنى ويشرفنى ان يكون ضيفنا الليله في

دعــــوه على السحور

الاخت

Pretty

نبدا معكى اختنا الفاضله سهرتنا

ونقولك اولا

كل سنه وانتى طيبه

وحضرتك طيب وكلكم بخير وبألف صحه وسلامه

ورمضان كريم

الله اكرم


Pretty

1 ـ نبدا اول اسالتنا وكالمعتاد

نريد منك اختى الفاضله ان تقومى بتعرفيك لنا
عن نفسك

اسمي زيزي بنت مصريه من القاهرة 28 سنه محاسبه خريجه جامعه عين شمس
مقيمه في وسط اهلي عيله صغيره بتحب بعض وبكمل دراسات عليا بجانب العمل

2 ـ - ما هو طبقك المفضل علي مائدة إفطار رمضان؟

الاساس بحب الشوربة والسموسه اوي والحلو الكنافة


3ـ هل لك طقوس معينة ترتبط بشهر رمضان؟ بمعني كيف تقضي يوم و ليل رمضان؟


رمضان ايام جميله اوي رمضان شهر القران وبحاول في معظم الوقت فيه اني اقراء قران الي جانب شغلي الفتره الصباحيه وبقيت اليوم بيكون قراءن قران ومطبخ راحه بعد الفطار يعني يوم بسيط وجميل وهادي مفهوش ضغط عصبي الايام العاديه كمان الشغل في رمضان اخف من الايام العاديه

-4 ـ بعض الأحيان نتعامل مع أشحاص ثم نفاجئ بعد فترة أننا لم نكن نعرفهم ويصدر منهم تصرفات تجعلنا نعيد النظر في حكمنا علي الأشخاص و المواقف ..من وجهة نظرك ما هي أفضل طريقة للتعامل مع هؤلاء هل مواجهتهم أم تجاهلهم؟؟ و هل قابلتِى هذه النوعية من قبل و كيف تصرفتِى حينها؟؟

المواقف ده كثير بنتعرض ليه لو الانسان ده شخصي قريب ممكن تتم المواجهة عشان ميكنش حكم نهائي بدون سماع الدفاع واذا كان شخص بعيد يبقي التجاهل افضل ووجهت ناس زي ده وتعاملت بالاسلوب ده فعلا

5 ـ هل أفادك النت عامة و المنتدي خاصة في تكوين صداقات، تخيرى أحد هؤلاء الأصدقاء و حدثينا عن صداقتكما.

صداقه النت غير مضمونه في احوال كثيره صداقه المنتدي اقوي عشان فيه لغه حوار ونقاش بموضوعيه الصدقات الخاصه الافضل فيه الوضوح والصداقه افضل عن قرب غير كده بتكون معرف حلو في اطار بسيط ولي فعلا اصدقاء كده فيه بينا احترام كبير

6 ـ رشحي لنا أغنية من أغاني رمضان لها ذكري لديك و عرفينا تلك الذكرى .

وحوي يا وحوي طبعا وانا صغيره كنا نتلم في اول يوم رمضان اطفال كثار ونمسك الفوانيس ونظلم الغرفه ونسمع الاغنيه وصوتنا واحنا بنغني اعلي مها بس احلي حاجه ذكريات الطفوله

والأن

سؤال صعب شويه !!!

يا منجي من المهالك يارب

7 ـ ما هي نقطة ضعفك ؟

سؤال صعب فعلا نقطه الضعف يمكن التسرع في الحكم علي الامور لشعوري بعديه بالندم

8 ـ هل تؤمنين بالعين والحسد ؟؟ وهل مرة حدث لكي موقف أنه حد حسدك ؟؟

الحسد مذكور في القران وبؤمن بيه فعلا لكن موقف معين ما اتذكرش لكن يعني مواقف بتحصل من اي حد بيستكتر نعمه عليك في ايدك ممكن يحصلك حاجه من عنيه

ـ صفة تكرهينها في الرجال ؟

الكبر والتعالي (من تواضع لله رفعه )


10 ـ أمرأة حديدية .... ما تفسير هذا اللقب عند
Pretty؟؟

مراه حديدية قادره علي التحكم في مشاعرها وتحكيم العقل في المواقف الصعبه
دون التأثير علي طبيعتها الانثويه

11 ـ علمت من احد مصادري الخاصه بانكى كان لديكي اسم اخر بالمنتدى وقمتى بتغييره

ايوة اسم زيزي واتغير لبرتي


لماذا كان التغيير وماهي الاسباب التى جعلتكى تختارين اسمك الجديد هذا
Pretty؟؟

نوع من التجديد وكمان لاان برتي مرتبط باسم صديقه لي عجبني اوي واستلفته منها


12 ـ رسالة شكر توجهيها لأحد أعضاء المنتدى خلال هذا الشهر؟

لكل اعضاء المنتدي سعيده بنشاطك معانا وخاصه اللي معي في مسابقه قص ولصق سعيده بالتفاعل الكبير والسرعه في الاجابات والمنافسه القويه ده

13ـ سؤال تمنيت ان اسالك اياه ولم اساله

لا انت كفيت ووفيت ايه كل ده ممكن بس اخد مين معي في السحور


14ـ أمنية نختتمى بها اللقاء علي الصعيد الشخصي و الإجتماعي.

الامنيه الشخصيه نجاحي في الدراسات العليا واتممه علي خير بالدكتورة يارب
والامنيه العامه التوفيق للجميع يارب



واخيرا وليس اخر سعدت بلقائك اختى الفاضله

Pretty

واتمنى ان لا اكون سببت لكى ضيق بهذه المقابله والاسئله

وكل عام وانتى بخير مره اخرى


وانت بالف صحه وسلامه

وانا الاسعد بالقاء الجميل ده واتمني اكون ضيفه خفيفه عليكم

ومفيش اي ضيق بالعكس انا سعيده جدا لا اختيارك لي يا جيمي

ربنا يديم الود يارب


مع اجمل الامنيات الطيبه

ولقاء جديد مع شخصيه جديده

غدأ ان شاء الله