بسم الله الرحمن الرحيم







الاخوه والاخوات اعضاء منتدانا الحبيب

ام الدنيا

يسعدنى ويشرفنى ان يكون ضيفنا الليله في

دعــــوه على السحور

الاخت والصديقه العزيزه

انـجل

نبدا معكى اختى الفاضل سهرتنا

ونقولك اولا

كل سنه وانتى طيبه مرتين

مره بمناسبه شهر رمضان المعظم

والثانيه هي

عيد ميلادك السعيد


ربنا يخليك يا جيمى تقديمة تمام
وكل سنة ومصر كلها طيبة
انجل

رمضان كريم

الله اكرم

نبدا اول اسالتنا وكالمعتاد

نريد منكى اختى الفاضله ان تقومى بتعرفيك لنا
عن نفسك


عيونى طبعا.... انا اسمى علياء تميت والحمد لله 19 سنة .... انا طالبة في كلية التجارة جامعة بنها الفرقة التالتة وشاطرة اوى في المحاسبة يعنى من الاخر لو حد عنده شغلانة انا موجودة
ههههههههههههههههههههههههههههههههه

2 ـ - ما هو طبقك المفضل علي مائدة إفطار رمضان؟

انا اكتر اكلة بحبها المكرونة بالبشامل والوالدة تمام فيها
وبموت في الجمبري كمان
بس كله حلو والحمد لله وربنا يديم النعمة علينا كلنا3ـ هل لكى طقوس معينة ترتبط بشهر رمضان؟ بمعني كيف تقضي يوم و ليل رمضان؟

والله والحمد لله انا بحب اقرا القران بس الحق ساعات مش ببقي منتظمة فيه بس بحاول دايما احسن من نفسي فيه واقرا فيه كتير وبالخصوص في رمضان وبحب اقراه بالذات قبل الفجر وبعده علي طول الابواب فيها بتبقي متفتحة والواحد بيحس براحة
وطبعا من اهم الحاجات زى اي بنت بتتعلم الطبخ وبساعت والدتي
ومن الحاجات اللي بحب اواظب عليها في رمضان صلاة الراويح جماعة في المنزل ووالدتى بتبقي امامنا
وطبعا الصلاة في مواعدها
4 ـ مالذي يميز رمضان عن غيرة من الشهور ؟؟


طبعا بتميز وبدون كلام عن اي شهر هجري او ميلادى
كفاية ان الناس بتستناه من السنة للسنة وبيعدى بسرعة جدا
ودايما الحاجات الحلوة بتعدى بسرعة
شهر رمضان شهر عفران وصدقات وذكاة وتغفير للذنوب والدعوي فيه بتبقي منك للسما وطالعة من القلب
ربنا يغفر لنا جميعا يا رب

انجل

5 ـ ما هي علاقتها بالمطبخ وما هو افضل طبق تجدين صنعه ؟

علاقتى بالمطبخ ابتدت من سنة تقريبا دخلته بمزاجى
واسرتى والحمد لله مستحملنى وبجرب فيهم اكلاتى واختراعاتى
بحب اجدد في الاكل ونفسي سفرتى دايما تبقي غير ومتجددة لانى بمل بسرعة من عدم التجدد
ودة من المتناقضات في حياتى في حاجات بحبها دايما زى ما هى عادة يعنى وحاجات فيها تجديد

وافضل طبق اجيد صنعه والله حاجات كتير بس اللي بياكلوا اللي هما اهلي هيقولوا مفيش حاجة خالص
ههههههههههههههههههههههههههههه
معان بابا مش بياكل الكيكة غير من ايدى


6- بمناسبة رمضان شهر الصفح و الغفران ..ما هو مقدار التسامح لدي
انجل

كبير والله والخبرة القليلة في حياتى علمتنى انى ادى بحب لاي شخص ايا كان وافترض حسن النية وحتى لو انسان وحش هيرجعلك وهيعاملك بزوق حتي لو هو مش زوق وباسلوبك بتجبر اللي قدامك علي كدة

بس طبعا بتبقي في حاجات صعب الواحد يسامح فيها او يسامح ظاهري بس من جواه شايل وفاكر

7 ـ موقف محرج عمرك مش هتنسيه ؟؟


لا والله مفيش حاجة محرجة لدرجة انى ما انساهاش

بحاول افتكر مفيش حاجة
اصلي بصراحة بتجنب المواقف المحرجة

8 ـ من هو العضو الذي تستهويكى مواضيعه؟

كتير جدا والله
كل عضو هنا ولية مواضيع مميزة
ويارب دايما في استمرار

9ـ شخص تفتقدينه في رمضان ؟

كل الناس اللي غايبة عنى وبحبها يعنى خالي واعمامى لانهم مسافرين بالخارج
غير كدة الحمد لله عيلتى اللي بحبها كلهم معانا في مصر وربنا يخليهملي
ويديمها علي الجميع يا رب

10 ـ اي القاعات احب الى قلب انجل وماهي اول قاعه تزوريها عند دخولك المنتدى ؟

اي قاعة فيها موضوع مميز ومحترم ويشد اكيد هتبقي قاعة مميزة

اول قاعة بزورها هي الاقسام العامة لانى مشرفة عليها
فبحب اشوف شغلي الاول وبعد كدة اخد لفة في المنتدى

11 ـ رسالة عتاب توجهيها لأاحد ألآعضاء خلال هذا الشهر ؟

لقلب يحيا بالامل
لانى متعرفتش عليها من زمان ودة كان المفروض
وهى انسانة رائعة جدا وصادقة
وربنا يحميها يا رب
لكن دة طبعا عتاب الحبايب

12 ـ عفى الله عن ما سلف !!
لمن توجه هذه الكلمه ؟


لصديقة ليا
لكن كلمتنى في عيد ميلادى
وقولتلها عفى الله عن ما سلف

13ـ لو عندك سفره افطار وبها 5 كراسى فقط

من تحبين ان يجلس على هذه الكراسى ويشاركك افطارك
وياريت ماتقوليش بقى جميع الاخوه والاخوات الاعضاء
وانا اعرف دبلوماسيتك

ههههههههههههههههههههههههههه
اه بس ممكن اخرج من السؤال واقول عيلتى
وساعتها هتبقي دبلوماسية بردة
في الاول طبعا كل اعضاء المنتدى وعشان خاطرك يا جيمى انا هحدد

انا هختار عماد وقلب يحيا بالامل وورد جوري وام الدنيا وبنت مصر
وانت طبعا يا جيمى بس كرسيك بقي عندى هجيبه معايا وانا جاية :ppp

14 ـ سؤال تمنيت ان اسالك اياه ولم اساله ؟

لا والله انت كفيت ووفيت
تسلم يا جيمى

15 ـ أمنية نختتم بها اللقاء علي الصعيد الشخصي و الإجتماعي.


امنية بتمناها من سنتين ويا رب تتحقق عن قريب وافرحكوا معايا
بس ادعيلي يا جيمى

واخيرا وليس اخر سعدت بلقائك اختى الفاضله

انجل

واتمنى ان لا اكون سببت لكى ضيق بهذه المقابله والاسئله

اطلاقا انا سعيدة بقابلتك عبر منزلنا الصغير ام الدنيا

وارجو انى اكون ضيفة خفيفة علي السحور بتاع جيمى
معان الفول بتاعه كان ناقص ملح
هههههههههههههههههههه
وارجو ما اكنش طولت عليكوا
وكل عام وانتى بخير مره اخرى

وانت بخير يا جيمى والامة الاسلامية كلها بخير
وعيد ميلاد سعيد

ربنا يخليك يا جيمى وعقبال عيد ميلادك
مع اجمل الامنيات الطيبه


ولقاء جديد مع شخصيه جديده

غدأ ان شاء الله