بسم الله الرحمن الرحيم









الاخوه والاخوات اعضاء منتدانا الحبيب

ام الدنيا

يسعدنى ويشرفنى ان يكون ضيفنا الليله في

دعــــوه على السحور

اخــتــنا العزيزه

الباشمهندسه

بــــنت مــــــــــــــــصـر

( مـــيــمـه اســـلام )

مـــــيمه

تحبي نقول ميمه ولا بنت مصر ؟


لا انت عارف طبعا بحب ميمه اكثر

اوكي

نبدأ معكى لقاءنا وهو لقاء غير عادي اليوم

وحقا انه لقاء دسم بوجود شخصيه مثلك معنا اليوم
ونبدا لقائنا وكالعاده

كل سنه وانتى طيبه

وانت طيب وبألف صحه وسلامه يارب
وكلنا بخير وسعاده

ورمضان كريم

الله اكرم


نود جميعا ان تعرفينا عن نفسك اولا


انا ميمة مهندسه معماريه خريجه جديده السنه ده
حتم 23 سنه في شهر 11 الجاي
مصريه اوي اوي اوي ومقيمه في ليبيا بس خلاص نزله مصر (قريبا)
مقيمه مع اهلي وسط اخواتي اللي اكبر مني
ما انا اخر العنقود في وسط اخواتي طبعا انت عرفين بقيت المثل ومنطبق علي اكيد ههههههههههه


2- ما هو طبقك المفضل علي مائدة إفطار رمضان؟


امممممممممممم
مش طبق وحد بحب الاكل كله
هههههههههه
بس ممكن الشوربه وعموما بحب الطيور في رمضان وغير رمضان حمام وبط
الحاجات الخفيفه ده
هههههههههه
تصدق جعت



3- ما هي أجمل ذكريات رمضان؟ مواقف لا تنسي ارتبطت بالشهر الكريم.

ذكريات رمضان يعني اغلبها السحور بالذات وانا صغيره كنت بقوم بالعافيه عشان اتسحر والبيت كله كان يصحيني
غير كده واحنا صغيرين في المدرسه كل وحد يعمل انوا صيم بقي قدام الناس ويروح البيت يفطر حاجه بسيطه ويكمل بعديه يقولك ايه انا اهوا صيم وصيام النص يوم والربع يوم
بجد احلي ذكريات رمضان مع الطفولة
اما ذكريات وانا كبيره مرتبطه اكثر بالمطبخ والوقفه فيه لحد بعد الفطار وبعد كده الوحد يحس انوا اليوم خلص بعد ما يكون خلص الوقفه في المطبخ


4- بمناسبة رمضان شهر الصفح و الغفران ..ما هو مقدار التسامح لدي

بـنت مــــصـر


بص يا جيمي انا مش بشيل في قلبي زعل لحد وبسامح اي حد يغلط في حقي بجد من قلبي ومش بنام وانا بقول زعلانه من فلان يمكن بزعل من نفسي اكثر من الناس

5 ـ هل تستطيعى أن تنسي الإساءة
؟؟ والى أي مدي ؟؟؟

ده مشكلتي اني مش بنساها يعني انا ممكن اسامح في حقي لا اقصي درجه بس صعب تتنسي بتفضل في الذاكره
يعني ممكن تفضل موجوده في قلبي زي الجرح اللي جوايا مش سهل يتمحي لكن مسامحة كل الناس
بس برضه بالوقت كل شيء بيتقلب لذكره وان شاء الله يتنسي


6 ـ هل لك طقوس معينة ترتبط بشهر رمضان؟ بمعني كيف تقضي يوم و ليل رمضان؟

انا ولا مره قضيت رمضان وانا فاضيه يعني اما في الدراسه واهوا بعد التخرج شغل
يعني بصحي اروح الشغل الصبح
ارجع اقراء قران لحد العصر اصلي وبعدين دخول علي المطبخ خروج منه الساعه 8 ونص 9 بعد الفطار والمطبخ والمواعيين نصلي الترويح جماعه في البيت وبعد كده شويه كمبيوتر وانترنت وتليفزيون وبعدين انام
اصحي اتسحر اقراء قران للفجر واصلي الفجر وانام شويه وبعدين اصحي للشغل
ده يومي تفصيليا ايه رايك بقي

7 ـ ما هو رأيك في مبدأ "انت معي لإما ضدي" ؟؟ هل تستقيم الامور بإختيار أحد الطرفين؟؟ و هل انت ممن يقبلون بالحلول الوسطي ..يعني اللون الرمادي ما هومقداره لديك في إتخاذ القرارات؟؟

بص انا مش مع المبداء ده راي يعني لااني بشوفه ان فيه ظلم كبير اوي في الاختيار
ومش في كل المواقف نقدر نختار احد الطرفين
لكن انا مش معه فعلا لكن مشكلتي اني فعلا لا اقبل الحلول الوسط يا ابيض يا اسود حتي علي نفسي ممكن اقرر شيء يكويس اوي يا وحش اوي
وده طبع محتاج لتغير عشان الحياه محتاجه ليونه اكثر من كده


8 ـ هل أنت من الناس الي تتعصب اذا كانت صايمة؟ اذكري لنا موقف اذا كان يحدث ذلك

انا صحيح بتعصب كثير بس استحاله الصيام مش بيعصبني نهائيا
يعني احلي ايام ايام رمضان فيه راحه نفسيه كبيره اوي بجد واهدي كثير من الايام العاديه


9 ـ في أي عام بدأت الصيام وكم كان عمرك، هل كان بضغوط أسرية أم رغبة داخلية؟

السنه بالضبط بجد مش فكره لكن انا من ايام الابتدائي كنت بحب اصوم لوحدي وقبل ما التزم الصيام كنت اقول انا كبيره ولزم اصوم والاسرة كنت بتشجعني علي كده
يعني من غير ناحيه دينيه انا كنت بحب اوي اقلد حياه الكبر كان نفسي اكبر بسرعه اوي


10 ـ ألم يحدث أن أفطرتِ خلسة في صغرك ؟ احكي لنا ذكرياتك

يعني كنت زي ما بقولك صيام ربع يوم ونص يوم واعمل فيه اني صيمه بس اكيد بعد الالتزام وفريضه الصيام محصلش الحمد لله لااني بحب الصيام
وتعرف انا بعد ما اتخرجت وقبل ما اشتغل قعد مده كم اسبوع وراء بعض بصوم يعني احيانا الوحد بيحلف غصبن عنه وممكن ينسي تكفير ذنوب

11 ـ بنت مصر الشعله الموقده في المنتدى

لوحظ في الفتره الاخيره وبالتحديد منذ مايقرب من 3 اشهر بدا لهب الشعله ينطفئ او يقل
لماذا؟؟؟


انا شعله يعني خلاص كده امسك الرايه يا جيمي
ههههههههههه
هو منطفتش بس قل شويه لظروف كده وانشغلت في حياتي
بس كمان انا موجوده دلوقتي وجيه اودعكم
اني حبعد فتره برضه علي النت الله اعلم قد ايه عشان حكون في اجازة في مصر تبداء من الاسبوع الجاي ان شاء الله


12 ـ هل تستغل شهر رمضان لصلة رحمك وأقرباؤك ؟؟

انا مره وحده قديت رمضان وسط الاهل وكده وفعلا بنحاول كلنا نتجمع علي الخير مع الاقارب وكده
غير كده مفيش فرصه
انا مره وحده بس قديت رمضان قصدي اخر 10 ايام من رمضان في مصر


13 ـ ماهو سبب اختيارك لاسم بنت مــصـر بالمنتدى ؟


مش عرفه بس حسيت اني عايزة حاجه تبقي قريبه من مصر
وجيه اختيار مني انا وعماد رايك راي وبعدين استقرينا علي بنت مصر
نفسي اكون سفيره لبلدي مصر


14 ـ مالذي يميذ منتدى ام الدنيا عن غيره من منتديات اخرى وانتى من كان لكى نشاطات كثيره بها ؟

انا بدات في ام الدنيا وهو مشاركه واحده فقط
حسه انوا بنتي اللي بتكبر علي ايدي اكيد ليه مكانه في قلبي ومميز عشان الصحبه الحلوة اللي فيه

15 ـ من هم اصدقائك المقربين بالمنتدى ؟ وهل يوجد اعضاء لا تتمنى ان تكون لكى بهم علاقه ؟


كثير انت يا جيمي وعماد وورد جوري وام الدنيا وقلب يحيا بالامل والمختار ورور القمر وانجل وليدر وحزين واصاله واكيد برحب بكل الجدد اللي انضمه لينا سعيده بتوصلكم ويارب ما نسش حد ومفيش حد معين متمنش علاقتي بيه تستمر انال اجتماعيه جدا بطبيعتي


16 ـ شخص وضعتى ثقتك كلها به واكتشفتى انكى كنتى مخطئه في اعطائه هذه الثقه ؟


مش شخص معين بس الناس اللي تعمل اصدقائك عشان خاطر يستفيد انوا يطلع منك بمعلومه معينه عن شيئ معين دول اللي بندم علي ثقتي فيهم


17 ـ مشرف تتمنين ان لايكون ضمن مجموعه المشرفين ؟


المشرف اللي بينسي انوا مشرف معانا ومش بيبلغنا انوا غير متواجد او حيغيب امش بيحترم كده اداره المنتدي بجد


18 ـ شخصيه تتمنى ان تكون ضمن مجموعه المشرفين ؟


فيه مجموعه جديده مميزة وبجد احنا يعني بنحاول نشوف ونتابع النشاط واكيد بعد المتابعه حنعرض عليهم ونتمني قبولهم


19 ـ اختيار شخصيه واحده فقط تتمنى ان تضع كل ثقلها بالمنتدى ؟

انت يا جيمي انت بصراحه من وقت اجازاتك في مصر ورجوعك وواضح ان الشغل وخدك اوي منين اديني من وقتك شويه يا شيف جيمي ويا كابتن الرحلات والسفريات الجميله


20 ـ متى كانت اخر مره تتساقطت دموع بنت مصر ولماذا ؟؟

سؤال صعب عشان بنت مصر بتعيط كثير هههههههه
بس اخر مره كان من كم يوم السبب مشاكل داخليه جوة نفسيه ميمه


21ـ أمنية نختتم بها اللقاء علي الصعيد الشخصي و الإجتماعي.

علي الصعيد الشخصي انزل استقر في مصر اكمل في مجالي المعماري اللي بحبه ولو ربنا قدر احضر دراسات عليا
غير كده بتمني التوفيق للجميع وام الدنيا يكبر بيكم وكل وحد ينول كل ما يتمني


واخيرا وليس اخر سعدت بلقائك اختى الفاضله

مــــــيــمـه

واتمنى ان لا اكون سببت لكى ضيق بهذه المقابله والاسئله


وانا الاسعد بجد يا جيمي بالحوار والقاء الجميل ده والخفيف ده

والاسئله في الصميم بس اتمني اني اكون وفقت فيه بصرحتي فيه

بجد تسلم ايدك والسفره عجبتني اوي

وكل عام وانتى بخير مره اخرى


وكل سنه وانتم بالف صحه وسلامه
في امان الله


مع اجمل الامنيات الطيبه

ولقاء جديد مع شخصيه جديده

غدأ ان شاء الله

صحيح يا جيمي
الف شكر علي الموضوع المميز مع الجميع
وحواراتك جميله كلها ومنوعه تسلم ايدك
وشكلي انا اللي حستضيفك علي السحور
ولا ايه رايك
تحياتي
وفي امان الله