omaldonya sier:

حوارنا اليوم مع ضيفه رائعه وتتسم بخفة الدم والزوق والشياكه في التعليق والموضوع ورقه في الردود
هي من مؤسسين المنتدا اسمها علي اكبر قاعات الموقع عرفانن بمجهوده الرائع الجميل في تكوينه
تتميز بالعقل والحكمه والرئي السديد انسان اقل شئ ممكن نوصفها بيه هو الرائعه الجميله
سهرتنا مع الاستاذه وسوبر مدرتير الموقع أصالة
كنا عاوزين حضرتك تشرفينا فى لقاء صحفى ننشره فى ام الدنيا
اصاله sier:
ياستى ربنا يكرمك
شكرا لكى على اهتمامك بى
اوك ماعنديش مانع
انا تحت امركوا
ward jory sier:
يعنى نبداء الحوار
omaldonya sier:
عماد حب يعرفنا بالمديره بتاعتنا الجديده
واحنا سعداء جدا بنضمامك
ward jory sier:
السلام عليكم ورحمه الله وبركاته اعضاء ام الدنيا اليوم معانا مفاجئه وهي مديرتنا اصاله
ward jory sier:
حياك الله اصاله^_^
اصاله sier:
وحياكوا الله أصدقائى الاعزاء
omaldonya sier:
عرفينا اصاله على بطاقتك الشخصيه؟
اصاله sier:
اسمى : أصالة وده اسم مستعار طبعا بحب أصالة علشان كدة سميت نفسى باسمها
السن الحمد لله 30 سنة الجنسية مصرية الديانة الحمد لله مسلمة
فصيلة الدم o معطى عام يعنى اللى مش عندوا دم يجينى وانا هانغنغوا ههههههه
ربنا يستر اصل ماما بتقول عنى ماعنديش دم ههههههههه عذرا على هذا الفاصل
ولنكمل الحديث عاوزين ايه ثانى فى بطاقتى الشخصية
ward jory sier:
دراستك ايه اصاله؟؟؟
اصاله sier:
الحمد لله أتممت شهادة بالكالريوس فى التجارة دفعة 99 بتقدير جيد وأنعم على عز وجل بالحصول على دبلوم الدراسات العليا شعبة التمويل دفعة 2005 بتقدير عام ممتاز
وحاليا انتسبت الى كلية الحقوق
لسة فى سنة اولى
ادعوا لى ربنا يوفقنى
بقى واكون محاسب قانونى
omaldonya sier:
امتى هنلاقى اصاله متوجده معانا فى ام الدنيا ومشاركه كسوبر مدريتور
اصاله sier:
سؤال جميل قوى وجرئ بجد بجد انا بعترف بتقصيرى مع أم الدنيا وخاصة
انا قولت انى فعلا مقصرة مع أم الدنيا وخاصة ان ا/ عماد ربنا يكرمه أخد رأيى فى حاجات كثيرة عند انشاؤه لمنتدى أم الدنيا
لكن ادعوا لى ربنا يكرمنى واحاول أوفق ظروفى وباذن اجتهد وادخل اشارك معاكوا ياااااااااااااااااه واضح ان السؤال اللى جاى عويص جدا
ward jory sier:
برايك سبب تغير عضويتك من عضوه الى سوبرمدريتور؟؟
اصاله sier:
و الاجابة تجدوها عند أ/ عماد مش أنا
omaldonya sier:
كم ساعه بتقضيها اصاله على النت
اصاله sier:
زمااااااااااااان ايام منتدى تيم الزمالك كنت الى حد ما فاضية وخلصت دراسة فكان معظم وقتى ع النت حوالى ما يقرب من 10 ساعات مما جعلنى عضو متميز بالمنتدى
والمنتدى ده عرفنى على نخبة رائعة من الاصدقاء تواصلنا حتى بعد الخروج منه حاليا
بعد ظروف متغيرة كثيرة من عمل ودراسة أصبح تواجدى بسيط يكاد ينعدم فى بعض الايام واذا دخلت يوم ما فيكون بالكثير 4 ساعات
ويمكن مااكملهومش سبب بسيط ان عملى فى لاصباح يقتضى النظر فى الحاسب الالى فترات طويلة مما يسبب لى نوع من الاجهاد البصرى
وطبعا لان عيونى جميلة انا بخاف عليها طبعا مش أصالة بقى
omaldonya sier:
الله يعينك يارب ويسعدك
اصاله sier:
ربنا يخليكى
omaldonya sier:
شيىء تحب اصاله اضافته الى ام الدنيا وشيىء تحب تحزفه
اصاله sier:
من حيث ايه الاضافة والحذف
omaldonya sier:
دخل المنتدى
ايه الشيفه انه المفروض يتغير
وايه المفروض نضيفه
اصاله sier:
انا بصراحة مش قادرة احدد ممكن نضيف ايه جديد وخاصة ان المنتدى والحمد لله ملم بأشياء كثيرة بس اذا لم يوجد قسم لتنمية المهارات البشرية ياريت نوجدها - واعذرونى لانى فعلا مش مطلعة على احدث التغييرات فى المنتدى بالنسبة للحذف أو التغيير فاسمحوا لى ان احتفظ بنفسى علشان مش عاوزة حد يزعل منى وخاصة ان الكلام فيه دلوقتى اصبح ليس له معنى
يمكن يكون له معنى منذ بداية المنتدى ولكن يبقى الحال على ماهو عليه
ward jory sier:
قلتى انك من اعضاء التيم ؟كانت عضويتك باي اسم؟؟
اصاله sier:
أصالة
دائما وابدا
الى ان يشاء الله امرا كان مفعولا
omaldonya sier:
ايه هوايتك اصاله الوانك المفضله واكلتك المفضله
اصاله sier:
هوايتى زمان القراءة حاليا تم استعاضتها بالنت لونى المفضل الازرق اكلتى المفضلة كل أكل ماما بحبه
ward jory sier:
كيف رمضان معاكى هالسنه؟؟؟
اصاله sier:
الحمد لله انا سعيدة جدا النهاردة لانى الحمد لله ختمت قراءة القرآن الكريم ولكن التمس من ان يتقبل منى ومنكم صالح الاعمال
وان يتقبل صلاتى وصيامى وقيامى ويجعله فى ميزان حسناتى اللهم آمين
omaldonya sier:
امين يارب العالمين
اصاله ست بيت شطره
اصاله sier:
هههههههه ليه الاحراج !!!!!!! هو الحمد لله على كل حال تصدقى اقولك على حاجة انا صحيح مش بحط ايدى فى حاجة ف البيت
وخاصة المطبخ الا ان الحمد لله العبد لله بيكون له نظرة اما فى ترتيب البيت أو بعض الاكلات انا امى شاطرة جدا ولا أحد يعلى عليها فى المطبخ
الا ان أوقات اقولها لو كنتى عملتى كذا لاصبح كذا الاقيها تندهش وتقولى و الله برافو عليكى فاتتنى ازاى دى
وتستغرب ان يكون لى تعليق وخاصة انها بتقولى من الان ربنا يكون فى عون اللى هايخدك ولعلمك
انا قنوعة جدا ومش زى باقى البنات اللى هاتطلب فى جهازها بوتاجاز 6 شعلة انا كفاية جدا على بوتاجاز اعور
بعين واحدة يادوب للتسخين الضرورى هههههههههههههه
ward jory sier:
عندك اخوات؟؟؟ مين الى قريب من اخواتك ليك؟؟؟
اصاله sier:
الحمد لله عندى بنت ولد انا الكبيرة العاقلة الراسية الاقرب اختى لان الفرق بينا بسيط
حوالى سنتين ونصف الا ان فى بعض الاحيان بنتناقر لكن الحمد لله على كل حال
ربنا يخليهوم لى على فكرة فكرة الحوار بتاعتكوا دى لذيذة لذيذة بجد
على فكرة انتوا بخلاء
ward jory sier:
ليه كده
اصالهsier:
نشفتوا ريقى وطولتوا طريقى ولم تعزموا على بشوية ماية حتى
omaldonya sier:
اجمل حاجه حلويات ***ن وبارد علشان اصاله
اى الاقسام تفضله اصاله دخل المنتدى واى كاتب .
اصاله sier:
قسم الحورات البناءة والمعلومات والثقافة العامة والمهارات البشرية بجد نفسى فيهم
بالنسبة للكاتب كثيررررررر
كل الاصدقاء اللى اتعرفت عليهم منذ منتدى زمالك تيم وحتى الان
اوسكار وعمرو وستار وأ/ عماد وغيرهم انا مش عاوزة اذكر اسماء علشان منساش
اتذكر ان أول واحد اسعى ان اتعرف عليه كان علاء اوسكار وطلبت من أ/ عماد انه يعرفنى عليه
وبالفعل اتعرفت عليه وتوالت الاحداث بعدها والاصدقاء صديق تلو الاخر
لدرجة اننا بنتصل ببعض لو صادف حد فينا مشكلة او احتاج لخدمة
الحمد لله يمكن تكون دى الحسنة اللى خرجنا بيها من المنتديات بصفة عامة
الصحبة الجميلة
ward jory sier:
احكلنا عن يوم اعتبرتيه اسعد يوم في حياتك يعنى كان حلو من الصبح لغايه لما نمتى؟؟
asala sier:
سؤال صعب عاوز منكاش انكش فيه فى تاريخ حياتى ولكن دعينى اقولك يوم نجاحى فى خامسة ابتدائى
لان كنت اول من طبق عليها نظام خمسة وسادسة مع بعض وافتكر يومها بابا شجعنى وقالى
لو سقطى مش هاخليكى تكملى تعليم هههههههه وهاخليكى تشتغلى ف البيت
وطبعا لانى مش بحب شغل البيت الحمد لله نجحت وكنت الاولى على قطاع حى غرب بالمحافظة ناقص 11 درجة ع المجموع الكلى
omaldonya sier:
ماشاء الله يدوم التفوق يارب
asala sier:
الله يكرمك
يارب
omaldonya sier:
اختيارك لاسم اصاله حب فى المطربه اصاله او فى معنى الاسم
asala sier:
اولا معنى الاسم بيشدنى جدا
ثانيا
انا عاشقة لاصالة صوتها جذاب ربنا يحميها
ward jory sier:
دخولك كليه تجاره كان برغبتك ولا من الاهل؟؟
اصاله sier:
لا ده ولا ده كان المجموع حضرتك
ههههههه كن دلوقتى اذا رجع بى الزمن للوراء هختار دراسة بكلية التجارة
ولكن اذا اردت العمل بالسلك الجامعى او القضائى هاختار الحقوق
omaldonya sier:
استعديتى للعيد واشتريتى لبس العيد ولا لسه
اصاله sier:
ملابس العيد دى كانت عادة عندى لوقت ليس بالبعيد لان حاليا ارتبط لبسى بالمواسم الصيف والشتاء والاوكازيونات فقط
ولم ارتبط بالعيد منذ فترة
ward jory sier:
ايه رايك في المسابقات الى في المنتدى؟؟
اصاله sier:
انا لم شارك فيها الحقيقة ولكن اعرفها منذ الزمالك تيم
وخاصة ان أ/ عماد بيضيف عليها شئ جميل
وهى الجوائز العينية اسفة اقصد
الجوائز المادية اى الملموسة
وهذا نادرا حدوثه داخل اى منتدى أخر
omaldonya sier:
امنيه تتمنيها على الصعيد الخاص والعام
اصاله sier:
على الصعيد الخاص أن يرزقنى الله زوجا صالحا يكون عونا وطريقا لى الى الجنة وان يرزقنى منه الذرية الصالحة والتوفيق فى حياتى العلمية والعملية باذن
على المستوى العام أن يوفقنا يارب جميعا الى كل مايحب ويرضى
وان يختم بالصالحات اعمالنا وان يرزقنا توبة نصوحة قبل الممات وشهادة عند الموت والجنة بعد الممات
قولوا آمين اللهم آمين
ward jory sier:
اللهم آمين
كلمه توجهيها لاعضاء ام الدنيا بمناسبه قرب عيد الفطر المبارك؟؟
اصاله sier:
كل سنة وهم طيبين وربنا يعيد علينا جميعا هذه الايام بالخير واليمن والبركات
ward jory sier:
سعيدين باللقاء معاكى اصاله وكل عام وانتى بخير
اصاله sier:
انا اسعد بطريقة الحوار الشيك جدا وكل سنة وانتوا طيبين
omaldonya sier:
سعدنا بيكى اصاله جدا بنوته دمعها خفيف وزى الشربات ويارب نكون ضيوف خفاف عليكى
اصاله sier:
وبصحة وسعادة ويارب ربنا يوفقكوا ربنا يخليكى
ward jory sier:
جمهورنا الحبيب انتهت حلقتنا لهذا اليوم انتظرونا وحلقه جديده وضيف جديد في أمان الله
omaldonya sier:
بكره لقاء جديد انتظرونا ورمضان كريم

__________________
أستغفر الله وأتوب إليه

حوار جميل فعلا ..... واصالة انسانة لطيفة
والحقيقة سعدت جدا انى اتعرفت عليها من خلال حوارها مع ام الدنيا وورد ...الف شكرلكما
وكل سنة وأنتِ طيبة يا أصاله .

__________________

حوار لذيذ جدا

وشخصيه اصاله مرحه جدا

واتعرفنا بيها من قرب

تسلمو اخواتى الاعزاء

__________________

حوار جميل و ردود مميزه كما تعودنا من اصاله

دمتى بخير

حقيقيي انسانة هايلة وروحها خفيفة جدا ربنا يحميها ويحققلها كل اللى تتمناه ويا رب يديم صداقتكم ويجعل ايامك كلها عيد
الف شكر على احوار الجميل والردود الاصدق والاجمل ومنتظرين باقى الحصريات

__________________

ابراهيم بندق
رئيس حزب المعارضة بالمنتدى

اختنا العزيزه اصاله مكانك اغلا واعلا من سوبر مدريتر انتي بحق رائعه وجدعه بجد
وده اقل شئ نقدمه لعملك ومجهودك الرائع وانتي تستحقيه بالفعل
واسم علي مسما ربنا يسعدك ويكرمك ويعطيكي كل ماتتمني باذن الله
والف شكر يابنات حوار رائع فعلا

__________________
{يا ايها الذين آمنوا إن جاءكم فاسق بنبأ فتبينوا أن تصيبوا قوماً بجهالة فتصبحوا على ما فعلتم نادمين}
;وإذا أتتك مذمتي من ناقص فهي الشهادة لي بأني كامل
إن صمتي لايدل على جهلي بما يدور حولي ولكن مايدور حولي لايستحق الكلام

اول شيء مبروك عليكي سوبر مدريتر

..

اصاله شخصية زي العسل

الله يحفظك

و يحقق لك امانيكي


مشكوووورين اخواتي الدنيا و جوري

__________________

الحوار جميل جدا وكل سنه وانتى طيبه والف مبروك عليكى ختم المصحف وربنا يجعله فى ميزانك


وتسلم ايدك يا ام الدنيا انتى وورد ويارب نشوفكم رؤساء تحرير مجله ام الدنيا

بصراحة انا مش عارفة ارد عليكوا اقولكم ايه غير انى سعيدة بمشاركتكم وثناؤكم على

الف شكر لكم جميعا وكل عام وانتم بخير

شكرا لكى يا صديقتى انتى الطف وكل سنة وانتى طيبة

مرسيى ميرسى مرسيى


هو مش حوار لذيذ هو كان حوار صريح جدا الحقيقة


ههههههههههه دا غير ان طول الفترة دى الحقيقة متعونى بمشروباتهم الباردة والساخنة

شكرا لك ياعمرو ;ggg

الف شكر لحضرتك ولثناؤك على

الف شكر لك أ/ عماد

ربنا يكرمك ويجزيك عنا خير ;ggg0;):cool:

حوار رائع مع شخصيه اكثر من رائع
شكرا لكم فعلا حوار صريح جدا

__________________

اهلا يااصاله انتي فعلا اضافه جميله وكويسه لنا اتمني لكي التوفيق
وشكرا لكم يابنات

شكرا اصالة على الحوار الجميل

__________________

اصاله وكلك اصاله
وحشاني كثير يا جميل
وربنا يطمنا عليكي
ونشوفيك في احسن حال
وعارفه قد ايه مشغوليتك وظروفك
ربنا معاكي يارب وكفايه طلتك يا قمر
والف شكر يا بنات حوار مميز جدا جدا
تحياتي
وفي امان الله

__________________